【馮仁昭四圍超】李樂詩重推舊碟有團火

【馮仁昭四圍超】李樂詩重推舊碟有團火

李樂詩噚日到商台宣傳專輯《Fantasy》,呢張專輯係05年時佢自資數十萬元製作,由當時男友杜德智負責監製,可惜當時唔識點宣傳,所以冇乜人知。

早前有老闆提議佢將舊碟重新整理再版推出,李樂詩話:「再拎番隻碟宣傳,好似有番團火,其實我近年好少出嚟,但仲有好多人認得我,叫我再唱歌,我腦海都會諗吓開演唱會要用乜主題,都要寫番啲歌,可能今年有驚喜。」
撰文:馮仁昭