樓下清潔與維修技工翻開一份左報細聲論政，我知道這份左報是我丟的，搵勻全幢大廈，恐怕只得我們訂這份左報，連同層的大陸鄰居也不會看。我在他們四圍亂拋的家居垃圾中發現，頂住防煙門的多數是簡體字紙箱，沒有報紙。技工扮演689，討論的是三日前左報的支持送中全版廣告。「全部都係九唔×搭八的社團！」蘋果沒有的全版廣告，左報一日就有7.5版。這些社團，除了大家耳熟能詳的潮汕福建海南，有一個比較顯眼的是九龍社團，「咦，咪就係殯儀大使喺紅磡掛牆大廣告的金主咯！」明明九龍唔係茂名清遠從化，點解都歸位為社團？技工以兩句低不可聞的粗口解答了清潔的提問。我本來轉身離開，但忍唔住留步聽下去，「撻社團個朵有L用，今時今日，社團就係黑社會代名詞，除了收錢去慶回歸遊行仲識做乜！」「還蠢到遊行未完已經丟晒國旗區旗，餵飽晒垃圾桶劉×華，唔死都冇用！」我拎住半隻油雞入𨋢時不禁想，社團吓吓登全版廣告，必然多金，但冇聽聞公開招聘，藍到爆的警界退休後會入社團𢱑銀嗎？交稅交得最多的社團係邊間？會是聯署中那家名堂騎呢的「香港蕭妃（燒灰）同鄉會」嗎？問急於將香港送中的林鄭毒娥，任佢揀立場，肯定剔燒灰社團與民建聯。中立？廢話，從來冇這個選項！