禮拜日利物浦衝冠失敗後，作為曼聯名宿嘅加利尼維利當然唔會放過恥笑死敵嘅機會，即刻就喺個人twitter轉載利物浦球員慶祝勇奪今屆英超亞軍嘅改圖（圖），仲要tag埋自己喺足球節目嘅拍檔、紅軍名宿加歷查。不過加歷查都唔示弱，即刻出番張「Ole's at the wheel」嘅改圖，嘲笑一班魔迷喺蘇斯克查坐正嗰陣就好興奮，但家陣見到蘇B帶隊搞成咁就冇晒影。