佢老婆唔係人 - 陳也

佢老婆唔係人 - 陳也

停唔到口猛咁叫人洗手洗手洗手的A1大喝,老公,唔死都冇用那個八婆竟然說你是鴕鳥,即係諷刺你有翼但唔識飛,提醒返市民,當年你腳痛落台的瘀事。喂,俾個八婆踩到上你鼻哥,你醒吓啦!被扎醒的老鳥先生懵懵然,不斷對老婆說「早晨,各位早晨。」鳥先生甩一下太極手,喃喃自語:「八婆唔死有乜用?一係擲落明日大嶼填海,一係當八萬五,當佢唔存在!」

聽到八婆唔係鬧自己,龍蝦好大反應,拍爛手掌說,拎三條七,有個屁用!八先啱佢呢種臭婆娘!你說對不對啊老公。咦,老公呢?對唔住,佢老公行蹤未明,fb絕跡,西環失聯,顯然屬國家機密,市民就算丟西瓜落海,煞有介事頻呼「返嚟啦」「七七」四十「八」次,都只會見到立法會秘書長鬼祟蒲頭,所以慳返。

自封佛系的白襪仔對八婆無感,該隱的隱,白襪仔已經戒咗唔食鵝,茹素的前數學家,對比過777與996,發覺還是777人性化些。吓,佢被罵冇人性?喔,也許吧。在家裏,我老婆根本唔係人,係神!戥我陰功吧。