佔中案罪成嘅公民黨立法會議員陳淑莊Tanya，早前發現左腦有一個乒乓波咁大嘅腫瘤，上星期做手術成功切除後，消息指經過化驗證實屬良性。噚日係母親節，Tanya仲要留院休養，只可以同媽咪喺病房過節。Tanya嘅fb小編話，有朋友專誠帶咗個蛋糕（圖）送畀auntie慶祝，但係Tanya有得睇冇得食，只可以繼續食白麵包。
面對女兒嘅佔中案，auntie憂心忡忡，小編喺fb透露，呢排auntie笑容少咗好多，心情由最初難以接受Tanya可能坐監，到之後好叻咁逐漸調整，後期嘗試平靜面對最壞結果，殊不知4月判刑前夕，Tanya食飯預祝母親節嗰陣，上甜品前通知佢腦腫瘤呢個壞消息，「硬着頭皮告訴媽咪她腦腫瘤嘅消息，對auntie的打擊更大，精神恍惚了一段日子」。好彩Tanya手術成功，auntie終於稍為鬆一口氣，但就要日日喺病房照顧Tanya，今年母親節真係唔易過。