盈盈屬趙世曾在80年代的女友，這位「趙女郎」1953年出世，將66歲，有兩子一女，與陳觀泰所生的大女今年42歲，趙式浩就36歲，孻仔也已經32歲，數年前更抱孫做了嫲嫲，以年齡來界別已屬銀髮族，但以樣貌、身形來看，皮膚保養得宜、外形偏瘦，還有一雙白滑幼腿，防腐工夫一流，目測似40多歲的中女，訪問這天，她到公園做拉筋、急步行，談到皮膚白皙，盈盈表示是受惠了媽媽是上海人、祖母有四分一愛爾蘭人基因。皮膚保養的貼士，也簡單地早晚搽堅果油，「用天然堅果油按摩，全身搽，皮膚就靚，做吓facial，用咗好多年，自己係接受有皺紋，我全部都冇整過。」
每日盈盈都會上磅，近十年維持115至118磅，忍口是最難，她說：「呢個世界上只有懶嘅女人，冇唔靚嘅女人，一定要勤力啲，我冇減過肥。」而且不吃牛肉，「我覺得牛肉燥，食咗有皺紋，9點鐘後唔食嘢。」
三餐斷澱粉
盈盈分享其養生之道，五、六年前已沒吃粥粉麵飯。
早上：8、9點起身，飲兩大杯水，一個蘋果，跟住去急行，跑45分鐘。返到屋企食一碗用水開的麥皮。
下午：3點食一斤烚菜。
黃昏：6點食一餐正餐，一條石斑魚、魚仔、雞肉、煲瘦肉湯、豆腐；任何瓜包括矮瓜、節瓜。
水果：士多啤梨、奇異果、番石榴（對胰島素好，尤其糖尿病人）
備註五種不吃水果：芒果、榴槤、荔枝、龍眼、菠蘿
其他：維他命丸、鈣片、魚油丸
更多精采時尚內容，盡在 http://add.appledaily.com。