李慧琼一錘定音搵立法會最資深建制派議員石禮謙取代最資深議員涂謹申，周六開會，一鋪過舉手通過埋送中條例，送林鄭市長一程，刻不容緩，一路好走！
但問題來了，點解係最資深「建制派」，萬一會內第二資深議員梁耀宗走出來自認建制派，李慧琼點收科？一路向西，兩手準備，下任市長熱門人選李慧琼會密謀推舉「最資深契弟議員」，泛民肯定冇人會爭，民建聯與工聯會打崩頭都係兄弟，最多吆喝對方「你食屎」或者「收皮啦」，交吓戲就算。不過契弟唔涵蓋女人，葉劉婦人之心好hurt唔肯就範，又試派出餵飽奶的容媽媽舉牌攪局。契弟行唔通嘛，用「最資深仆街議員」呢，相信大家無爭議。邊位仆街仆到全香港人認可？選民最先想起鼎鼎BB，但留意到行埋鼎鼎老點佢修訂份UGL報告的689，近日銷聲匿跡，難道被湯渣所指的一黨專政「做埋啲蠢事」那個「陽光司法」依法辦事了嗎？抑或被西環軟禁在羅校長病房隔籬，逼他戒斷數全版廣告的fb毒癮？總之，資深仆街議員一定係政府最器重那些，秘書處唔使再玩失聯了，維安安心，冇人懷疑他失蹤那幾粒鐘去了偷食。