摩連奴自舊年12月俾曼聯炒咗之後一直都冇工開，據聞意甲嘅羅馬想搵佢接手，開咗份三年合約畀佢，但摩佬有先決條件，就係要羅馬下年踢到歐聯先肯教。羅馬家陣由雲尼亞里領軍，後者喺三月回歸只係簽約到季尾，球會準備另覓人選喺下季領軍。羅馬家陣同阿特蘭大、拖連奴、AC米蘭同拉素爭緊聯賽前四。摩佬以往喺歐聯領軍戰績好掂，帶領波圖同國際米蘭封王，喺車路士同皇馬亦打入四強。