要力保前四嘅熱刺上周六英超作客般尼茅夫，有上周中歐聯停賽嘅孫興民做番正選，上半場同隊友狂攻都過唔到般茅新仔門將查維斯。完半場前一分鐘，孫興民被球證吹罰後又推又踢謝法臣拿馬，結果前者食紅牌出場。
下半場熱刺換走有黃牌在身嘅艾達韋列特，點知祖安科夫入替咗三分鐘就飛鏟對手被逐，熱刺得番九人應戰，結果頂到補時階段被主隊尼敦阿基頭槌頂破大門，以0:1輸波，前四席位有危機之餘，今場打少兩個之下全隊都跑到冇力，周中歐聯次回合對阿積士都唔知仲有冇力踢囉！另外愛華頓上周五喺主場憑對方守將擺烏龍同史密斯高文嘅入波，兩球輕取般尼，下屆歐霸盃資格仲有得爭。