【爆相爆片】現年39歲、已有一子的胡杏兒再懷有第二胎，挺着六個多月身孕的她，日前孖老公李乘德（Philip）和奶奶現身銅鑼灣揀BB衫，被讀者Calvin透過《蘋果》的「爆相爆片」分享。杏兒專睇B仔衫，相信今胎好大機會都是陀仔，由於老公是沙頭角禾坑村客家原居民，三代單傳，杏兒為李家開枝散葉，相信奶奶最開心。
讀者Calvin說：「杏兒同個女人喺度揀衫，佢哋專睇初生嬰兒衫，揀咗好耐，可能裏面差唔多全部都係女人，杏兒老公就喺店外面等，見佢都不停出出入入。」當日杏兒戴cap帽和黑超，打扮樸素，奶奶全程陪在側，其間杏兒拿起一件藍白色B仔衫，Calvin續說：「佢主要睇藍、白色嘅衫，冇揀過粉紅色系列，有啲人認到佢，見佢都有笑容，表現nice。」
採訪：皓騫
