陳貝兒日前為無綫節目《嫁到這世界邊端3》去尼日利亞、埃及和摩洛哥三站拍攝，在第二站埃及同樣危險重重，昨日她在facebook大呻：「第二站埃及，正值紅色旅遊警示，治安情況不比尼日利亞好太多。而且原來最要小心係衞生問題，尤其係啲水，用花灑沖涼時一定要合埋個嘴同眯埋眼，沖完之後要再用樽裝水全身過冷河。」
昨日陳貝兒接受傳媒訪說：「我第一日落機食咗個晚餐都肚瀉，唔知咁嚴重，屙咗幾次，呢度人妻提我哋要注意衞生，唔係溫馨提示，必須嚴格執行，全部沖涼洗臉要過冷河，我估沖涼個口入咗水，個口生得唔夠密啩，真係搵命博。經過尼日利亞同埃及之旅，我食得唔好又辛苦，瘦咗5磅。」此外，徐天佑昨日也貼了埃及旅行的相片，留言：「絕對係我人生最震撼之一！」
採訪：陳杰