【本報訊】七旬翁趁患唐氏綜合症的中度智障女子獨留公園，以汽水作餌示好，埋身後竟在眾目睽睽下連番非禮，包括揸胸、摸大腿及捉女子的手摸他的私處。淫伯昨在九龍城法院承認非禮罪，被裁判官怒斥他下流賤格，「你試吓你老婆俾人咁樣非禮？你揼死佢㖭呀！」淫伯被判即時監禁半年。
需戴助聽器的被告李天才（75歲）承認去年11月12日在土瓜灣海心公園非禮37歲女事主X。主任裁判官吳蕙芳表明，被告明知事主是精神上無行為能力人士，屬加刑因素：「佢特登揀啲咁嘅人，智商低、唐氏綜合症，一睇就睇到。」
「試吓你老婆俾人咁？」
辯方求情提及被告無案底和有良好家庭時，吳官突插嘴謂：「衰下流賤格吖嘛佢！……你試吓自己咁樣俾人非禮？你試吓你老婆俾人咁樣非禮？揼死嗰個人㖭呀！」吳官以監禁9個月為量刑起點，扣減認罪折扣後判囚6個月。案情指X當日由爸爸帶到公園，爸爸後來獨留X在公園，當時附近有一對夫婦在欣賞歌舞。晚上9時許，被告拿瓶裝可樂靠近X後，捉X的手摸他下體兩至三分鐘，其後出手揸X胸，又搭其膊頭，再伸手入X褲內摸大腿。附近閉路電視拍下過程。夫婦上前質問被告，其間X父回現場，報警處理。被告在警誡下最初否認犯案，稱喝多了酒，僅搭事主肩膊。
案件編號：KCCC185/19
■記者伍嘉豪