九子之一嘅陳淑莊發現有腦瘤，佔中案審訊期間，除咗親友鼓勵，師父王正宇資深大律師嘅支持亦係佢撐落去嘅動力。據聞上庭期間，師父提示過佢唔求情嘅「後果」，睇得出佢幾愛惜呢位徒弟。Tanya當然感受到師父嘅愛，噚日喺fb發文話，近日為咗有傳媒亂寫師父而激到爆，指有報道話師父「收取7位數字的『友情價』訟費」，特別澄清：「一來，我無咁多錢，記者太睇得起我；二來，師父及其精英團隊兩年來為我辛勤，只是象徵式收取60萬，而我得到守護公義基金全數捐助」，再三感謝師父同佢嘅團隊仗義相助，亦多謝上街市民慷慨捐助。
Tanya又話師父有另一方面才華，例如唔少人都知，張國榮嘅《為你鍾情》就係王正宇作曲，本身都係唱得之人；去年王正宇70歲壽辰，Tanya喺派對上獻唱，Tanya有感而發想：「師父等我，我手術服刑康復全部搞掂後，再去師父生日派對，想同師父合唱。」