鍾楚紅（紅姑）昨日與汪詩詩、湛琪清和鄧鉅明太太鄧宣宏雁等，在中環出席護膚品活動。紅姑右眼的眼白出現紅印，原來她眼太乾導致微絲血管爆裂，她指已向醫生查詢，並滴了眼藥水治理。紅姑透露日內將啟程到歐美旅遊，問到有否想過相約好友鄭秀文（Sammi）到外地散心？紅姑似有備而來，她說：「Sammi好有智慧，係好有靈性嘅女仔，今次佢處理得好好，我戥佢開心。心痛嘅係，佢係被傷害嘅一個，要面對輿論同傳媒，愛錫佢就唔好再提呢件事。」
稱讚處理得體
問到紅姑事後有否見過Sammi？她重申說：「我哋有聯絡，佢係有靈性嘅女仔，處理任何嘢都係得體、好啱。」至於Sammi的情緒，紅姑不想多談，語帶隱晦說：「我諗……唔好再講喇。」Sammi早前在Ig上載新相，但看似臉容憔悴，紅姑說：「佢有智慧，處理得好好，不過需要時間，畀時間佢自己處理啦，呢個係兩個人嘅事。」但她笑言會帶Sammi飲茶散心。
眼睛不適依然專業開工，紅姑一身飄逸清新的綠色條紋，看來纖瘦了， 她對此說：「差唔多啦，減肥係我嘅終身職業，有時放縱吓，回報會好辛苦。去旅行就乜都食，要靠運動同食得清淡，喺屋企會煮唔同素菜。」
詩詩杜拜度假
同場的汪詩詩與家人復活節期間到杜拜度假，表妹湛琪清也於馬爾代夫蜜月回港，詩詩被問到早前在慈善晚宴中聲稱遭歧視一事，表示不想再提。對於在杜拜晒性感泳裝，她笑說：「𠵱家唔騷，老咗都冇得騷。」母親節則會一家人在港慶祝。鄧宣宏雁則透露平時不愛扮靚，她說：「真係好耐冇扮靚，全年都冇做一次facial。」
採訪：羅慧敏
攝影：陳俊強
更多精采時尚內容，盡在 http://add.appledaily.com。