曾經加入過民主思路，之後又做過新民黨政策總裁嘅袁彌昌，自從佢同新民黨立法會議員容海恩拉埋天窗，仲做埋老竇之後，佢喺政圈變得更低調，除咗有時喺報章寫文評論時政，冇乜見佢出嚟講香港政局。
讚港人覺醒
不過佢噚日喺facebook貼咗張反送中條例遊行相，再寫咗句「Hong Kong has reawakened（香港再覺醒了）」，難免令人覺得同佢太太容海恩嘅立場好唔同，究竟因乜原因呢？
有朋友喺個post問張相係咪佢屋企影出去，袁彌昌答係，有朋友仲叫佢不如同埋老婆出嚟行啦！
民主黨羅健熙都有叫袁彌昌「幫吓手……」，不過袁彌昌就話已經盡能力喇！又話「湊B中只能如此」，似乎佢都想出嚟遊行反惡法？而now嘅政情網上行就問咗袁彌昌兩句，佢話影張相時候太太容海恩當時不在場，唔通係瞞住老婆偷拍？
李八方