復仇者聯盟的時光劫持，讓英雄「回到未來」集取六顆聖石，令消失一半的人類restart。進入復仇模式的香港，我們想進入哪一個時空，改變今日？
劫持時光回到2014？雨傘運動，公民抗命的聖石，很可能非但沒團結成事，更有可能比歷史的真實更撕裂。頑石難點頭，執念拖後腿，2014是連英雄都要被拆大台的政治分水嶺。再揀過，2012吧，就是689講過N屆唔選但跟唐公子對陣一開波就贏開巷那一年。聖石令689逆轉輸剩一張凳一支筆，又如何呢？唐大少接棒，唔見得會俾香港人實現雙普選，一人一票選特首？肯定係袋住先方案提早上枱而已。不過受盡折磨的市民的確好想回到689獨欠的7，7年前，七百萬人集體彈指，送689化灰一程！這樣，毒蛾做唔成2.0，上帝不被感召，騰出時間跟撒旦搞諮詢大會，齋傾勿砌，係咪會好啲？如果大貪些，偷來的時光回到97前，那些年，本土派未橫空出世，焦土派遠在黑洞，連醜人都知醜，唔敢上台煽惑公眾大叫殺無赦！更加唔會鳩噏「坐監先嚟患癌」！所以呢，還是徹底劫持時光回到1949，撳掣一炮過滅絕魁隆與老毛！沒有共產黨，新中國有戲！