下月4日會轉型成為「香港民意研究所」（香港民研）嘅港大民意研究計劃（港大民研）噚日發表最後一次「五大行政會議成員評分」，話呢個系列嘅調查日後能否繼續，屬未知之數，呼籲支持香港民研嘅巿民，透過香港匯豐銀行戶口640-116976-838捐助支持，並發送電郵至mailto:[email protected]以作通知。
至於成功喺港大民研最後一次民調「攞尾彩」，奪得評分首位嘅非官守行會成員，就係有「金融沙皇」之稱嘅任志剛。根據4月初嘅評分調查顯示，市民對行會非官守議員嘅最新支持度排名，首位係任志剛，得58.1分；排第二位係葉劉淑儀，評分為48.3分；而位列第三至第五分別係湯家驊、羅范椒芬同葉國謙，評分分別為45.9、42.9及41.0分。
調查又發現對比五個月前，以熟悉程度計，葉國謙取代李國章進入五大。