皇家馬德里禮拜日喺西甲靠賓施馬又大演「帽子戲法」，大炒畢爾包三蛋，主場錄得四連勝。「銀河艦隊」要戰至下半場先開紀錄，喺更衣室出嚟唔夠兩分鐘，賓施馬率先頭槌破網。76分鐘，賓施馬接應角球頂入梅開二度。完場前，賓施馬再把握對方門將阿歷斯列美路出禁區解圍失誤笠入空門，上演「帽子戲法」，佢亦係皇馬史上首位一人獨自包辦球會最近八個入球嘅球員。