太監超皺住條八字眉，揦埋口臉回應：「我好心急，替所有師奶心急！唔修例通過逃犯條例的話，香港實變偷食天堂。賤男密食當三番，安心出軌，玩謝大婆！」
尋煩局長震驚回應：「吓？出軌咩？邊條線？我都係唔睇報紙咯，唔睇就唔知，唔知就可以安心hea做。」
馬屎坑皮笑肉不笑回應：「以為沙中線與紅磡月台唔安全？的士車廂更唔安全。所以呢，坐車前咪飲，車廂內咪摷，OK？」
智商有限公司代言人fb回應：「我係一個壞咗嘅人，吹咩？夠膽偷拍我，等住接N封律師信。」
行李門主角回應：「如果我係片中人，早就有小桃園飯局fan幫我第一時間抓個的士司機出來，迫佢交片！就算條片入咗機場禁區都要courtesy delivery！」
自封全版廣告精算師冷笑回應：「華盛頓郵報都報道，證明有外國勢力背後操作，絕對唔簡單！的士司機煽惑他人煽惑，偷拍那一刻已經冇咗靈魂，好噁心！如果偷拍我個女，我要佢永遠暫停工作，搵唔返自己！」