趣趣地:沙城想直升要奧連特失分

趣趣地:沙城想直升要奧連特失分

獲傑斯、碧咸等曼聯92班注資嘅沙福特城,目前喺英格蘭國家聯賽級別(業餘聯賽)競逐,來季有機會升上職業級別嘅英乙,上周五作客3:2絕殺波利咸後,繼續同榜首嘅奧連特相差兩分。國家聯賽冠軍可以直接升班,第2至7位嘅球隊踢附加賽爭逐一個席位,所以對上4季已連跳3級嘅沙福特城想升上英乙,淨番兩輪聯賽真係要寄望奧連特失分先得。佢哋今日主場對第五嘅AFC費迪,至於奧連特就作客第三嘅索利赫爾摩爾。