【本報訊】兩位保安局前局長葉劉淑儀 （圖）、黎棟國昨力撐修例，葉劉指修例後，若內地要求香港移交疑犯，該疑犯大可申請人身保護令，即時打官司，並提出多個理由抗辯，故此她難以理解法律界為何反對修例：「因為將來佢哋會有好多生意。」
認同政府修例太急
葉劉和黎棟國昨出席電台節目，葉劉指兩地移交逃犯的問題懸疑未決廿多年，由她擔任保安局局長時已開始處理，並重提張子強案，指當時香港沒法子把在內地逮捕的疑犯移交香港，故立法局也認為香港應與中央商討安排，但內地認為香港也應向內地移交逃犯才是對等，最終港府當年因要處理另一些事情，故擱置有關修例。
葉劉又指，一旦有要求移交逃犯的要求，相關疑犯可即時申請人身保護令：「即刻可以打官司，呢個移交程序係好複雜、冗長同埋昂貴，因為請求方要畀一切訟費……你（疑犯）可以申請人身保護令，仲可以用好多理由抗辯，基於政治意見、宗教信仰、種族關係，所以唔係咁易移交到，我唔明白點解法律界反對，將來佢哋會好多生意。」
葉劉質疑有人透過反對修例來累積政治能量，呼籲多些人上街，「係咪有人借今次嘅條例搞政治問題、政治風波出嚟呢？我諗中央政府會好留意。」
保安局前局長黎棟國大力支持今次修例設立追溯期，好讓內地引渡在港的通緝犯：「一個人以前犯咗法，被當地執法機關通緝，一定係過去式，冇現在式或將來式。假如不能追溯，即整條條例對所有修訂前嘅事情都廢咗，《逃犯條例》針對嘅都係過去式，同立法原意相違背。」
葉劉同意外界對政府部份批評，如政府修例太急，「又真係冇乜諮詢」。她指有建制派考慮引用《議事規則》第91條將《條例》直接提上大會審議，但認為做法極端，建制派內部都未有共識。
■記者姚國雄