六四Live Band新班底在過去一、兩年的集會上場，他們憶述集會當晚演奏，均有不少難忘回憶。「係落雨落到停晒電，冇燈冇聲冇盛，企喺台前會電死嗰種」。鼓手Gil記得，有一年燭光集會期間下着傾盆大雨，他笑指就像中共的天氣武器一樣。在這情況下，Gil憶述當時主持衝上台上，在空曠、漆黑、寂靜下，拿着大聲公叫「平反六四」，Gil形容這就是香港人的堅持。
陳文威印象最深刻是前年、他第一年上台主唱的集會，「（第一次）真係有啲緊張嘅，第二係我唔記得歌詞」。他記得綵排時自己不停唱錯、忘記歌詞，「支聯會嘅朋友，佢好擔心我唔記得歌詞，就同我講：『唔好唱錯呀，你一唱錯就全球幾十萬睇緊直播嘅華人睇住你唱錯。』」碰巧那年他喉嚨痛，令他擔心演唱時會走音。最終演唱表現是否失準？陳文威：「最終都有唱錯，但就冇走音。」
「後有巨浪承接」
新班底最常夾的民運歌曲是《祭英烈》、《民主會戰勝歸來》、《自由花》，這幾年演出排練數以十次，不少歌詞也令這班演奏者有所觸動。身為主音，《自由花》已唱了數以十次，陳文威指這句歌詞最觸動——「但有一個夢，不會死記着吧，無論雨怎麼打，自由仍是會開花」。他形容這句詞不單是說六四，「對於香港，以至唔少地區，係一個好重要嘅message」。
「後有巨浪承接這變改」，《民主會戰勝歸來》這首歌的歌詞，琴手Priscilla說寫得很靚，自己特別鍾意，「唔好話我係咩浪，我哋有責任畀每一個新生代知道有件咁嘅事（六四）發生過」。