拋開陰影 感受關錦鵬功力

拋開陰影 感受關錦鵬功力

自《長恨歌》後,《八個女人一台戲》是鄭秀文在十四年後再次與導演關錦鵬合作。回想2005年拍《長恨歌》時一波多折,但Sammi笑言現已完全拋開當年陰影:「好從容,對處理角色上信心都幾大,完全好似一種好有信心掌握之中去做。對上一次《長恨歌》自己都唔係一個最好狀態,無論身體同心靈上都係病緊,所以回想嗰次合作,自己真係唔能夠完全享受同阿關嘅合作關係,咁純粹嚟自自己問題,今次整個人狀態,或者身心靈好番晒時候,無論相處同合作上,都覺得係好新體會,更加感受阿關作為導演駕馭現場能力。」

今次Sammi及梁詠琪同是飾演舞台劇演員,兩人都需要飾演「戲中戲」,Sammi很喜歡戲中幾場兩人演出舞台劇的對手戲:「其實我哋嘅恩怨,對彼此憎惡,嗰種不滿,就係大家藉着喺台上對戲時暗暗地射箭,寫得維妙維肖,既係演戲中人物,又好似做台上一台戲,係一種雙重意義,係好有趣。」
採訪:馬建華