安心上路，網友就像隔空睇住巴黎聖母院，教堂尖頂在火焰中頹然塌下的新聞，離身邊太遠嘛，香港人聲聲OMG，或者WTF。然後呢？沒有然後，繼續食花生。
心安理得，你得？好難喎，網友將安仔個樣二度創作成689，假如後者流住鼻涕認錯：「我係一個壞咗嘅人。我會暫停所有工作，直至我搵番自己。」如果咁講，網民會饒恕佢「過去三年」的惡行嗎？咁啦，叫689鞠躬半日，任何人都可以踢他的小菊花N次，或者下到啖氣，原諒佢一次咁多。
道歉？安啦。偷食呢？689才不會！對唔住，件行李唔安檢送返入禁區係犯法嘅喎。有無搞歪，叫你老闆出來，我碟龍蝦都夠膽蝦！689屋企冇僭建、有seafood，oh，飽到撐，外賣食唔落，除非係蘋果。安仔，諗吓賣返一個蘋果全版廣告，向老婆道歉。689會幫你賣多一次，等於一個價錢效果開雙，賺咗。
最後，網友扒糞挖出安仔以前的賤男稱號。自從689跑出，一直冧莊做頭號賤男。賤男二號條龍愈排愈長，安仔遠遠落後在選舉主任、何殺無赦、鼎鼎周、太監超屁眼後面，輸柒條街。