據英國傳媒報道，曾效力曼市雙雄、有「壞孩子」之稱嘅祖爾巴頓（小圖），退役後喺上年執起教鞭，執教英甲嘅費列活特，暫時排喺英甲中游位置。不過星期六佢喺費列活特作客以2:4不敵班士利嘅英甲賽後，俾傳媒影到佢喺英國南約克郡俾警方截停座駕（圖），仲要求就佢同班士利嘅德國籍主帥史坦度賽後喺球員通道嘅衝突協助調查。
當地警方事後證實，佢哋目前調查緊賽後喺球員通道入面發生嘅事，據報兩名領隊曾經發生衝突，班士利主帥史坦度更加要喺通道入面接受治療，班士利賽後亦證實球會家陣協助緊警方調查事件，但就同費列活特一樣，拒絕透露具體情況，而雙方主教練賽後亦都冇同記者見面。