【本報訊】傘後組織「杏林覺醒」成員黃任匡醫生批評，佔中案九名被告煽惑罪成是政治審判，法官以為雨傘運動參與者純粹是羊群心態，「矮化咗好多香港人喺呢場運動裏面嘅信念」。
「煽動我哋嘅係心裏面嘅良知」
黃任匡昨日在港台節目《千禧年代》上指出，律政司以煽惑公眾妨擾罪控告佔中九子，與當年葉劉淑儀不相信佔中醫療隊的急救用品是由巿民捐出，一口咬定是外國勢力資助一樣可笑。「如果要話煽動，煽動我哋嘅係心裏面嘅良知，對公義嘅追求，而唔係#x20D71;家被審訊嗰九個人」。
黃任匡又指出，法官的判決中包括很多政治看法，非純粹根據法律觀點作出判決，「矮化咗好多香港人喺呢場運動裏面嘅信念，幾乎形容香港人大部份都冇獨立思考、冇個人意志，純粹羊群心態俾人煽動出嚟」。黃任匡重申，相信司法制度，不等如要認同法官的每一個判決。
黃承認，現時民主運動處於低潮，但歷史上所有民主運動都不會一蹴而就。「唔通瞓咗70幾日街，習近平會走出嚟話，香港人咁淒涼，畀真普選你哋？」他認為港人要打一場持久戰，教育下一代繼續與中共角力。
■記者麥志榮