自從去年俾英超車路士解僱後，干地一直未有着落，意大利傳媒話，國際米蘭有意邀請佢執教，干地本人則要求1,000萬歐元（約8,800萬港元）年薪！國際老闆張康陽下達指令，要求招攬干地成為新任主帥，取代史巴列堤。據講，干地向國際要求1,000萬歐元年薪，如果成事，將取代700萬歐元（約6,200萬港元）年薪嘅祖雲達斯教頭艾基利，成為意甲最好搵教頭。