陳凱琳前晚與名模馬詩慧及其幼子王躍穎、女模Jesscia C.和余德丞，在灣仔出席品牌活動。陳凱琳剛於2月為丈夫鄭嘉穎誕下兒子鄭承悅（Rafael），前晚見她身形纖瘦但上圍豐滿，她透露仍在餵人奶：「唔好笑我啦，唔好注意呢樣嘢，我怕第時唔餵時身材有變，大家又會再講。最緊要BB食得好，佢每次食完都好開心滿足，我好感恩。」
囝囝特別錫嘉穎
問到會否再生，陳凱琳謂與嘉穎都希望再追多個小朋友：「大家都想，等BB一歲後，湊小朋友有好多嘢學，學唔完。」她笑言老公呷兒子醋，還大談湊B趣事：「BB有『斟茶』，有次我企喺前面幫佢換尿片，老公企旁邊，唔知點解佢射歪咗，射中咗嘉穎，嘉穎問點解會咁，我同佢講BB錫你。」她透露已逐步復工，暫時以參與綜藝節目為主：「拍劇遲少少先，我覺得BB𠵱家每日都轉變緊、長大緊，我唔想錯過佢嘅改變，例如點樣轉身。」
王躍穎裝備入行
同場馬詩慧的19歲兒子王躍穎已有六呎高，現正努力操弗，問王躍穎是否為了追女仔而健身？他自言只是為了身形靚而操：「𠵱家每日都會做gym，操一至兩個鐘，唔想自己太瘦太奀，𠵱家肌肉結實咗，有76kg，胸肌有40吋。」畢業後他將赴洛杉磯修讀四年大學演藝課程，直認希望拍戲，更謂想入行是因為爸爸王敏德：「佢好有型，尤其係飛虎，我問過佢可唔可以畀條『𡃁』我做，但佢幫唔到我。」對兒子想入娛樂圈馬詩慧表示支持：「佢鍾意就得，鍾意先會做得好。」但就對兒子說任何事永遠都要靠自己，不可靠別人。採訪：羅慧敏
攝影：陳慧安
更多精采時尚內容，盡在 http://add.appledaily.com。