禮拜二亞冠盃分組賽有兩場中超對澳職嘅大戰，其中廣州恒大靠巴西外援泰利斯卡踢咗10分鐘就省兩粒，加上楊立瑜同埋對手布洛斯咸嘅烏龍波，主場4:0大勝有本田圭佑領軍嘅墨爾本勝利，三戰兩勝同FC大邱、廣島三箭同得六分並列F組榜首，呢組爭出線仲有排鬥。另一場上海上港作客FC悉尼就上演入球騷，主隊三度領先之下，最終都俾上港艾傑臣完場前一分鐘入波，追成3:3完場。