富商劉鑾雄（大劉）大仔、38歲嘅劉鳴煒近年積極參與公職，佢2014年擔任城市大學校董會成員，2016年更獲城大將一座學術樓命名為劉鳴煒學術樓，感謝佢對大學嘅支持同捐助，佢早排就為城大動物醫療中心開幕剪綵，不過佢即場做咗樣嘢，網民睇完嘩嘩聲，有人仲講笑話嚇死動物，究竟劉鳴煒做咗乜？
「殺來吃不用花錢醫」
呢個動物醫療中心，城大用「動物醫學新里程」去形容，仲話係亞洲區最大嘅動物醫院，從城大網頁貼出嘅圖片見到，劉鳴煒同相信係城大高層好開心咁切一隻簪花掛紅嘅燒豬，而旁邊仲有另一隻等切嘅燒豬。
喺拯救動物嘅動物醫院用燒到脆卜卜嘅動物做祭品，難怪唔少網民見到都嘩嘩聲！有網民揶揄「1級為紅腫、2級為出現水泡、3級最嚴重，真皮層燒至壞死，慘豬」、有人反問「動物醫療中心會教些甚麼呀？實用課：殺了來吃便不用花錢花時間醫啦；倫理課：有些動物不是動物，是食物」、「傷重不治，無謂浪費，即刻食用真係估你唔到幾環保喎。唔知以後醫唔到嘅動物係咪都可以供人類食用？」最抵死係有網民慨嘆兩隻豬為動物醫療事業犧牲「豬豬好可憐，為了動物醫療事業獻身了！」
李八方