無論係場外抑或場內，巴塞隆拿前鋒奧士文尼迪比利嘅品行都一般，佢仲被揭發喺德國做「租霸」，將房東嘅屋弄得一團糟。德國法院周二下達判決，要求迪比利向受害房東支付1萬歐元（約8.9萬港元）賠償。事源當年迪比利效力德甲多蒙特時，喺德國租咗一間屋，不過佢喺2017年轉投西甲巴塞之後退租，但為房東留下「蘇州屎」，成間屋都佈滿垃圾，好似堆填區一樣。