社民連主席吳文遠早排發起「問候梁振英」登廣告行動，周一喺《蘋果》頭版登全版廣告，標示贊助刊登者為「香港人忍耐力有限公司」，當日689喺fb發文，話呢間公司並不存在，仲話會舉報有關人等涉觸犯法律，當時成班網民見689咁嬲，但認為佢都叫做係名人、又係國家領導，冇理由玩小學雞式報警，點知網民估唔到689真係學足小學雞玩報警！
689噚日喺fb發文，話已委託律師查明「香港人忍耐力有限公司」並不存在，亦冇商業登記，就呢個虛假陳述，佢已委託律師舉報有關人等，涉嫌觸犯相關法律喎！班網民見到689咁認真玩報警，都估689真係俾個廣告激到好嬲，又有人估佢真係太清閒，連建制派冇人理佢，玩報警無非要引人關注。