逃犯條例將香港變成一國一制，最大受益人是高雄市長韓國瑜。密訪中港兩邊的中聯辦後，他回台後堅稱不接受一國兩制。修訂一通過，韓市長安了，懶理香港特首直接跟西環交易，把高雄貨大賣N億。韓總只在乎賣貨，兩制？煩不煩啊，一制便利發大財啊對不對。
商家除了豁免九罪，枱底還有個別豁免特權，一國一制甚至一國剩返零點柒制，商家精甩尾冇有怕，西環部署，提供熱線，貼身報價，價高者甩，點止免九條，九九九條都甩得。在商言商，講心嘥氣，有銀用，大L晒！有雞先定有蛋？當然係有金蛋先啦老闆。
自由黨田少做過23條的King，今仗又有機會做送中英雄。等埋發叔甩咗轆，橋唔怕舊，商界功能組別唔會咁快忘記車公下籤吧？金主流亡（包括中共認為骨子裏是中國人但揸外國護照的紅色大老細）斷水斷糧，死得！議會大龍鳳，估吓最佳男配角係邊位？
送中唔成，張建宗偷笑，話明考慮民意嘛，將冷酷奸狡的林鄭一軍！兜巴星大話驊！頂茂李超個肺！張公公被迫換馬前，幫自己攞返少少彩。