早前法國傳媒報道，摩連奴嚟緊可能會執教法甲嘅里昂或摩納哥，而意大利傳媒亦報道佢同前東家國際米蘭同埋羅馬扯上關係。近日摩佬返葡萄牙出席體育新聞協會嘅年度頒獎禮時就提到唔同地方嘅體育記者，「我覺得對足球嘅理解最好同最有興趣嘅記者，就係意大利嘅記者。」至於最唔掂嘅梗係英格蘭傳媒，「英格蘭嘅記者同評述有好大差距，佢哋點寫同點講，都好睇佢哋鍾唔鍾意你。」