「三夫」冇提供彩蛋，觀眾隨意「亂入」，套戲勝在大把「位」，由蜑家小妹做人辦，畀位你「入」，或者叫「堵塞漏洞」！香港人自豪識走位，擅長見縫插針，睇「三夫」，對號入座，套戲擺明講緊你周圍發生的事，睇得入肉，無可能冇反應。有人說極難受，感覺受辱。三夫為搵食唔帶小妹求醫，求其搵個黃綠醫師亂噏廿三，將搵食做生意凌駕於小妹人權福祉上，明眼人覺得香港正在經歷小妹相同的迎送生涯，規劃這種生涯的港府，咁講啦，又唔衰得晒，雖然被嫖客媽叉「佢生完仔還叫佢做雞，你地有冇道德有冇良知㗎」，三條L樣（他們仨配凸這種稱呼）確實關心小妹，買按摩凳、餵鰻魚、吹氣膠床都試過，但去到尾，三個冇L用的喪男只能抓緊生財工具，不讓小妹自由，撒網死死困住，網中小妹掙扎嚎哭，始終掙不脫。任人魚肉後縱身跳海的小妹是港獨化身嗎？
林鄭曾被捕獲跟老公睇戲，若果睇「三夫」，想像她會發的影評，一定說劇本不是諷刺香港，有陽光司法的逃犯條例兼大灣區規劃，小香港在習帝永續加持下，智障都會發過豬頭！雞照做！