香港男子隊挾亞運冠軍回朝出戰系列賽外圍賽，過去港隊皆與冠軍緣慳，華將姚錦成明言今屆背水一戰，誓登王座以升班殺入世界系列賽種籽組。
世界系列賽種籽組共15支球隊，加一支外卡參賽球隊，每一球季榜末球隊降班，香港站外圍賽冠軍則獲升班資格。外圍賽12隊龍爭虎鬥，六戰定生死，港隊挑戰多年未竟全功，2016年雖進軍決賽，離升班一步之遙卻憾負日本，此後兩屆同八強止步。港隊捲土重來，被抽入E組鬥湯加、津巴布韋與菲律賓，華將姚錦成直指今屆劍指冠軍，不容有失：「我好希望今次係最後一年同大家講要打外圍賽，下年一定要講我哋打緊系列賽。」港隊周五先對菲律賓與津巴布韋，周六早上決戰湯加。然而奧運臨近，系列賽外圍賽各隊密鑼緊鼓備戰，其中大洋洲島國湯加今季獲邀參加系列賽漢美頓站和悉尼站，成績絕不失禮，為港隊同組最強對手。
種籽組同樣大戰連場，今屆系列賽總成績前四球隊直入明年東京奧運，各隊對碰絕不手軟。香港可謂斐濟隊福地，香港七欖賽自1976年首辦起，斐濟28次晉身決賽，18次稱王，過去四年更未逢敵手。不過斐濟今屆陷入「死亡C組」，同組有傳統豪強新西蘭、澳洲和肯亞，大戰可期。另一看點則在美國隊，他們今屆表現脫胎換骨，6站賽事錄得1冠4亞，陣中快馬艾爾斯功不可沒，他今屆以32次達陣領先達陣榜，更曾豪言目標明年奧運要同時參加七欖和短跑賽，觀眾必要留意這位翼鋒的表現。
記者：洪量丰