周四在掃桿埔展開的世界女子七欖系列賽外圍賽，大家會看到一個熟識的面孔──潘栢茵，她不再是達陣的球員，而是一名旁證，去年八月雅加達亞運後決定退役的她，希望有一天能像師姐Gabriel一樣，可以一圓奧運夢。
正如Gabriel所說，香港欖球女球證十隻手指數完，潘栢茵的加入一定是好事，29歲的她由於腳傷纍纍，不得不向現實低頭，她說：「我仍好鍾意欖球，但近兩年唔係半月板傷就係十字韌帶傷，你都成日見我紮住隻腳，好難喺欖球上再有進展，希望用另一種形式，即係以球證身份延長我嘅欖球生涯。」
潘栢茵三年前已開始上球證班，並擁有國際一級裁判資格，曾執法青少年比賽以及近期的聯賽，但本周的女子組世界盃系列賽外圍賽則是第一次，她將負責底線旁證一職，她說：「Gabriel喺球證生涯去過好多大比賽，佢畀到我哋信心，佢做到嘅我哋都有機會做到，當然都想似Gabriel一樣吹到去奧運會同亞運會，但一切都要睇機會。」
球證都只是兼職，下月即將浸大學士畢業的潘栢茵，坦言亦要開始找工作，要維生才能向自己的興趣發展。