逃犯移交中國，修訂通過下遇着家長周，老師接見家長，有如下發現：
一，家長強烈要求學校讓子女轉念商科。「商家有豁免」，拎咗免死金牌，法律面前已經唔平等，在商言商，阿sir你雖然教歷史，都會俾個仔入商界啦。
二，精英班尖子腦轉數極快，已經諗定，幫商家做豁免移交X宗罪的懶人包，由YouTuber教路，幫商家做定豁免預演。商家分紅色與藍色，自行對號入座。所以呢，阿sir，我阿女想修多一科drama，識做戲促銷勁啲，對不對？而萬一被舟，中央台直播認罪悔過過程，做戲叻過范冰冰，拍拍屁股，唔使坐監，係咪？
三，所謂移交，Miss你都明，實係移返大陸。未雨綢繆，交流團去新加坡、越南浪費時間，全部返大陸吧，搵定移交後門，了解走後門價錢，摸晒底，將來同學仔做商業罪犯中介服務好快上手！香港做硬商家罪犯天堂！服務行業大變天，對象係中意肛交、驚死移交的闊佬，想窮都難啊！學校還教學生物理化學做乜，還操文言試卷？笑死老細！