阿仙奴喺禮拜一愚人節嘅英超，憑艾朗藍斯同拿卡錫迪上下半場各入一球，主場2:0贏紐卡素，賽後殺到上第三位，係今季由艾馬利執教以嚟嘅排名新高，而且仲爬埋北倫敦死敵熱刺嘅頭。今場係奧斯爾喺2019年第1次連續2場英超踢正選，做埋最佳球員之餘，佢亦都狂寸熱刺：「我哋嘅目標係以前四名完成聯賽，排到喺熱刺前面梗係好開心，我哋之間競爭向來都好激烈。」
