趣趣地：比克福特為未婚妻涉毆鬥

愛華頓門將比克福特涉嫌周一凌晨喺新特蘭一間酒吧外面同球迷衝突，仲演變成毆鬥，有關短片仲喺網上流傳。喺條片度睇到疑似比克福特嘅男人同人爭執仲揮晒拳，最後被幾個朋友拉走。比克福特係新特蘭青訓產品，據報當日有「黑貓」死敵紐卡素球迷侮辱佢未婚妻，結果佢情緒失控先開始揮拳。據報事件中冇人受傷，諾桑比亞警方周一晚證實，話佢哋調查緊呢單騷亂事件。