英超上周六重燃戰火，向「四冠王」全力進發的曼城於頭場作客富咸，結果談笑用兵下由貝拿度施華及阿古路各建一功，以2:0輕取富咸，暫時壓過利物浦重上聯賽榜榜首。
曼城今仗可謂精銳盡出，一眾有份代表國家隊出戰的球員如根度簡、史達寧及貝拿度施華等齊齊正選上陣，而未有獲國家隊徵召的阿古路亦繼續擔正。富咸主帥柏加今仗就排出較為保守的五後衞陣式，前鋒阿歷山大米祖域未有進入大軍名單。
開賽僅僅五分鐘，曼城就把握機會領先。富咸因在後場的一次傳送失誤而被曼城搶去控球權，貝拿度施華右路推大位禁區頂起腳，成功收死沙治奧列高為「藍月」先開紀錄。其後比賽完全落入曼城手上，短短15分鐘已經起腳射門多達11次，惟始終未能拉開比數。之後曼城稍為放慢手腳，富咸搶回不少控球時間，可惜戰至27分鐘，富咸再有祖爾拜仁回傳失誤，貝拿度施華右路搶走皮球後交予阿古路，後者於窄位輕鬆射入，在射手榜以19球繼續領先，亦助球隊以兩球優勢入更衣室。
易邊後戰情略為平淡，主帥哥迪奧拿亦讓阿古路及奇雲迪布尼等主力休息，最終曼城以2:0擊敗富咸，各項賽事六連勝；相反再失三分的富咸，聯賽已經八連敗，護級只餘下數字上的可能。
文：亨少