最近英國《每日郵報》就做咗個統計，發現位列中游嘅般尼茅夫（圖）球迷作客睇愛隊輸波蝕得最甘，事關般茅主強客弱，作客輸咗11場，加上佢哋位處英國嘅最南部，平均每次睇球隊作客輸波，就要使成1,194鎊（約12,410港元）；反而作客輸得最多（14場）嘅富咸因位處倫敦，冇咁多遠征，就冇般茅球迷蝕得咁甘！至於最着數梗係作客輸得最少（1場）嘅利物浦喇！