「今日唔知聽日事，先做好𠵱家想做嘅事吧！」說這話的是31歲香港不敗拳王曹星如，對香港年輕泳手杜敬謙上周不幸在訓練中猝死有感而發，他說：「以前我係懶鬼，唔識珍惜光陰，𠵱家學識『活在當下』。」大膽問結婚四年多的星如可有生B計劃，他表示「順其自然」。
記者：徐嘉華 攝影：何家達 場地提供：Dyna Gym
自從去年11月30日修頓室內場一場業餘表演賽後，星如就埋頭苦練，準備六月一連串的東京奧運外圍賽，今年第一次見他，看他人消瘦了點，前額頭髮有點長，他笑言很久沒剪頭髮，2017年底跟河野公平撞腫的左額仍有一小處隆起，幸好視力已恢復正常，鏡頭下看到星如那六塊腹肌仍在，可見他一直努力訓練，為東京奧運備戰；下月初將到廣州跟中國國家隊集訓兩個月，小記未及開口，「愛妻號」的星如已說：「我會逢星期六、日返嚟香港嘅。」
生兒育女 順其自然
記得2017年他打第22場職業賽對河野公平前，小記曾問他何時生小孩，當時他曾說過：「生B責任好大，或者再過兩年吧！」現在到了「找數」年，雖然訪問中未肯多說，但卻是他第一次回答「順其自然」，他說：「我係好鍾意小朋友，𠵱家成日同姨甥女玩，造人嘅話順其自然啦，唔想有一個限期。」
近期杜敬謙離世的消息，令香港體壇中人均感到十分惋惜，星如直言雖然不認識他，但也感觸良多，他表示：「我覺得唔單止係運動員，每個人都係今日唔知聽日事，有自己想做嘅就盡量去珍惜，盡量去嘗試。」
其實，星如在月初曾在ig寫着：「儘管做自己想做的事吧！」跟活在當下不謀而合，他說：「主要係之前比賽受傷後（指對河野公平一仗），差唔多休息咗大半年至九個月，諗番轉頭，有啲曾經有嘅機會錯過咗，所以嗰一刻諗，距離東京奧運唔係太遠，就想試吓，加上奧運有40歲上限嘅限制，所以想把握𠵱家去試一試，雖然唔知成唔成功，但都想試。」
衝擊東奧 前路茫茫
星如坦言，衝擊奧運不為證明甚麼，只是覺得香港很多年沒有人參加奧運拳擊，想試一試，尤其已過身的爸爸曹樹仁不但是兩屆亞運代表，亦曾想參加奧運，可惜當時因資源問題落了空。另一個原因，是星如也曾嘗試爭取08年北京奧運資格，只可惜外圍賽第一場就輸了，他憶起當時也不禁搖搖頭：「當時我仲係懶鬼一名，靠打天才波，冇好好準備，𠵱家多咗時間去認真準備奧運，想繼08年後再向奧運嘅目標努力。」香港只有羅漢北及李金華出戰過1964年東京奧運，56年之後，明年又返回東京辦奧運，且看星如能否為港爭光。
為打業餘 增磅出擊
為東奧毅然放棄職業拳賽，星如連磅數也增至57公斤（約125.6磅），跟以前職業的115磅增了10磅，主要原因是業餘比賽的模式是早上過磅，下午比賽，日日如是，若由32強打至決賽，總共有五天都要維持體重，若保持職業時的115磅，跟自己平日128至132磅的體重相距太遠，實有難度。
問到星如對爭東奧是否充滿信心，他表示：「真係唔知，我從未試過喺業餘國際賽晉級，唔知可唔可以適應日日過磅嘅賽制，喺業餘賽，就算你贏咗第一圈，但第二日過磅同體檢時見你有傷，都唔可以繼續比賽，我只可以講我努力準備中，尤其東奧拳擊嘅命運仲未有決定。」東奧是否繼續有拳擊賽仍是未知數，因為國際拳總醜聞多多，包括貪污及在16里約奧運拳擊比賽中，裁判出現執法不公等問題，現時國際奧委會已將國際拳總的權力凍結，最新消息指國際拳總主席拉希莫域本月中宣佈辭職，對東奧拳擊可說是個好消息，國際奧委會將於六月作最後決定。雖然很多未知數，但星如仍會照原定計劃，下月初到廣州跟中國隊集訓，希望在眾高水平、正爭東奧資格的高手中學到更多。
重返職業 佛系心態
在2017年10月最後一場職業賽對河野公平時，星如因左眼被撞腫而被裁判終止比賽，星如當時以68:66點數勝出，眼前的星如，左眼上只留下小小一顆腫起的印記，問他可會因河野已退役而感到遺憾，他坦言沒有，反而對未有機會與八屆ＷＢＯ（世界拳擊組織）世界拳王、日本「怪物」井上尚彌對戰感可惜：「我同河野比過賽，唔會有遺憾，反而同井上未正式打過就有啲可惜，但將來或者有機會遇到佢都唔出奇，都係未知數，期待將來有機會。」
養傷期間，星如笑言最難受是看到朋友網上發放的拳擊照片：「見到朋友po打拳相，我就心郁郁想打埋一份。」由2011年至2017年的職業生涯，星如共累積了22連勝，就欠一條世界冠軍金腰帶，問他是否留有後路重返職業拳擊，他回答得有點玄：「頭銜呢樣嘢，唔想講到好在意話一定要攞，時機到就自然會嚟，唔係好想要就一定有。」都是那句說話，今天盡力而為，讓明天變得更好。