關之琳（之之）昨晚與呂良偉、任達華及方中信等出席晚宴活動時，被問到前晚甄子丹夫婦出席慈善晚宴，疑受歧視而憤然離場一事，之之說：「都聽到有唔開心事情發生，可能安排係有啲亂、失當，但子丹唔會亂講，佢咁好脾氣都即刻走，應該係發生好嚴重事件，當時情況一定好糟糕，畀着我如果受到好唔禮貌對待，都會起身走。」問到當晚有否被歧視？之之尷尬說：「可能我係珠寶品牌邀請，我係有專人招呼。」
至於呂良偉亦力撐甄子丹，他說：「我都一齊走咗，未入到ballroom已見到佢同詩詩黑晒面出嚟，子丹同我講有個外籍人士好離譜，好似《Green Book》咁歧視中國人，子丹話走，我都走啦，同佢共同進退，外籍人士嚟到中國人地方應該尊重中國人。子丹咁有修養，詩詩又咁nice，啲外籍人士一定係好差，佢哋至會咁嬲。」
不再參加活動
問到有否被無禮對待？呂良偉說：「我都未入到場，如果唔尊重中國人，我唔會再參加呢個活動，唔會俾人侮辱。」他更指為安撫甄子丹而請食飯，更招集場內朋友，讓甄子丹可以宣洩。
採訪：卓寶花
攝影：葉君海
更多精采時尚內容，盡在 http://add.appledaily.com。