阿根廷球星美斯闊別大半年之後重返國家隊，雖然首仗就輸咗俾委內瑞拉，跟住對摩洛哥嗰場又唔會踢，不過教練史卡朗尼就表示，對美斯出戰美洲國家盃仍然充滿信心。史卡朗尼就話︰「好明顯美斯會踢美洲盃喇，佢喺國家隊一直都充滿動力，又有決心。」不過佢都認為球隊如果要捧盃就要靠整體，唔可以太過依賴美斯。阿根廷喺今年美洲國家盃B組嘅對手有哥倫比亞、巴拉圭同卡塔爾。