各式詐騙層出不窮，誰說目標金錢才算詐騙？
也非「冰冰流」團隊成員，以卡通造型假到零毛孔、大眼仔及虛擬波濤洶湧表象大波妹add你為名，賣淫為實，而是社交平台實牙實齒實名的詐騙，真人真樣每天沒完沒了。被騙者告白：
1）頂佢，上約炮App睇清楚條靚女相貌身材，等佢等到㷫烚烚，期待啪、啪、啪，門鈴叮噹，正！時間剛剛好，偉哥藥力發作，真係好合作；開門一睇……吓，阿嬸你搵邊位？左望右望，阿嬸背後並無其他人，咪話夢中人，鬼影都冇隻。
阿嬸；莫非你係CoCo個阿媽，佢唔舒服，派你上嚟通告？
啋過你呀麻甩佬，我咪就係CoCo……
咪講笑啦，張相差咁遠，打冷震啊！
前年拍㗎，張相；咁而家算點先，上唔上先？
2）我自己細粒，從小夢遺或白日夢出現啲主角人人長腿六呎高、豐胸起碼四十二吋、毛髮豐盛、還有一雙色淫淫鹹濕眼，光是看，未做已銷魂。先係FB睇清楚字容，先add佢做friend。然後messenger私信，先聊天，後調情；股相、鳥相交換睇清楚，一拍即合，先至約炮，帶着慾望應約，點知……我自己五呎五……差半吋，來應門的人面口有點印象，身材尚OK，不過M字頭髮線高到呢，總之與毛髮豐盛相去甚遠。至攞命；比我明顯再矮起碼半吋！與高人啪、啪、啪係我畢生奮鬥目標，身高不足所以不斷去尖練胸、練腹部六嚿，備戰。
Hi我約咗阿Gee，請問他在裏面？
對方用非常古怪眼神向我上下打量……吓，乜你真人同我咁上下；老老實實，睇你啲胸肌腹肌相以為冇六呎都起碼五呎十……Sorry啊，撞Number㖭，係身高嘅Number，裏面冇阿Gee……
慘過發痲瘋，連門口都唔俾我入！
3）我身材好正㗎，日日上尖日日練，胸肌與六呎三身高成正比，絕對可以選港男，FB粉絲4999，IG追隨者無數；不過人人叫我「金鋼Barbie」，心理上完全Hello Kitty。條件太好吧，來約的人多，傾過幾次總係無疾而終，所以決定隱瞞身高，當自己五呎九吋，比較容易讓人接受的「0」號身高。不過冇乜好結果；一次應約上App友家，門打開一半，由頭到尾望我兩眼，即講：搵錯！立即關門。
係我搵錯屋？定係佢搵錯人？解釋都冇，好衰㗎，仲突登買咗對粉紅色波鞋襯我件粉紅色D&G T恤㖭！