廣告商們，如何應對「日日睇蘋果，醫生遠離我」、失業接近兩年無聊到癲的狼大叔？
一，最有效，是叫失業大叔唔好再沉迷fb，去送殯啦。雖然扶靈未必輪得到佢，佢考慮吓做喪殯義工，長駐火葬場，做得N年，天譴都躲得過。
二，慫恿佢嫁女，學泰國闊佬他信，豪嫁搞大佢。但必須好快離婚，之後又再嫁過，嫁嫁離離，忙到震，日日睇婚紗酒席廣告，格價格到盡，叻過龍蝦外母。
三，廣告商嗅出商機，專登全版廣告，介紹失業大叔食一種藥，唔係救心，係救佢神經。
四，好漢不吃眼前虧，廣告商怕怕，唯有再賣廣告，自白三千字：「像我們這種平凡的香港小商家……」連賣七日，感動西環。
五，不談政治只想交朋友的廣告商火大，向西環告狀：「廣告商們，只是想把貨賣出去，點解會被打殘？王總你評評道理，我們不過是一群拼經濟的韓市長！」