喂老友；執番袋垃圾啦，自己食完個盒飯、奶茶，等停車後放去垃圾桶，唔好隨便放喺紅綠燈旁邊，呢啲係垃圾嚟㗎。
呢位擔住口煙嘅老友，年齡大概廿零，身材未成年，運輸小貨Van司機；聞言立即扯火：你老母，你以為自己係食環署呀？關你七事呀？我食完個飯盒鍾意就地解決，擺喺路邊你吹咩？報警啦、笨……XYZ……
好心為巿容，呢位大佬二話不說，紅燈仍未轉綠之前，迅雷不及將貨Van門打開，隨即將𡃁仔司機一嘢揪出；雖然交通已亮綠燈，後面車龍，一旁包括筆者在內眾多路人心知有戲，立即將步伐放慢等候好戲上演。
將𡃁仔司機揪出貨Van嘅大佬一邊幾下利索手勢手到擒來，一邊炒蝦拆蟹：你老母，我使報警？你擘大雙眼睇清楚我手臂啲紋身先啦，報警益咗你呢啲浪費法援公帑啲廢柴，食環署經常被斬手斬腳，搞到香港烏煙瘴氣變大陸，你老母，黑社會都唔想自己屋企搞到窮國、落後過大陸啊……（上删一半人體器官助語詞 ）
𡃁仔不服：黑社會打人呀……警察，黑社會殺人呀……
附近可有警察？可能有，卻不見現身，反正無人理睬，眾志成城就等紋身大佬出手打躝癱第一拳。
不負眾望，大佬手起拳落，大快人心直抵貨Van司機心口，迅速再一拳送上鼻樑，血花四濺，大眾只差未曾拍爛手掌將「好」字叫出來。
……仲想叫警察？大佬繼續鬧：叫你老母嚟幫你啦，廢柴！
動作乾淨利落，末了，將貨Van司機塞返入車；不單止，洞悉人心知到觀眾意猶未盡，更將整袋飯盒兼裏面豬排骨菜汁剩飯汽水罐倒在𡃁仔頭頸身上。前後三十秒，沒造成太大交通阻塞，留下路人甲乙丙丁戊興奮餘波在空氣間蕩漾。
神！
誰理是否黑社會？
火龍邪神紋身大佬才轉身三、五秒，果然有警察出現，不止一個而是好幾個一小隊：乜事？乜事？乜嘢事……？有冇人證睇到打人事件，睇到邊個打個司機？一邊急Call白車救援。
公民自救活劇完成，觀眾重返路人甲乙丙丁戊角色散去，元朗大棠路兩邊繼續被生果檔口棄扔發泡膠箱嚴重擠塞，阻街情況依舊。