何超儀昨日在調景嶺出席牛仔服生活文化時裝展，更借出牛仔褲、《維多利亞壹號》電影海報及珍藏梅艷芳唱片作展覽，超儀指梅艷芳是本地潮神，就如現在Lady GaGa。超儀逐一介紹珍藏，她的3D牛仔褲不能清洗，褲齡達20年之久。
超儀下月初將於九展舉行音樂會，她大嗌緊張：「比上次多好多視像效果，我call晒啲friend嚟，向前輩致敬，有LMF、24味。」會否與老公陳子聰同台合唱？她笑說：「你哋估吓！已經叫咗佢，佢扭扭擰擰。同老公同台一齊唱係首次，有首歌錄咗10年都冇拎出嚟賣，之前佢哋買咗beatbox機，攞嚟我屋企玩，兼作咗首歌，當時我已瞓咗，半夜起身佢哋話爭把女聲，咁我就唱咗兩粒字，今次會面世。」超儀透露音樂會門票已售罄，還笑言每次音樂會都安排清明節舉行，並搞笑話︰「拜完山先嚟搵我啦！」
採訪︰羅慧敏
攝影︰林嘉銘