林建名細女林煒珽（Veronica）首個個人攝影展，一連四日在中環舉行，前晚在開幕酒會上，Veronica老公Steve、爸爸林建名及腹大便便的家姐林煒珊現身支持。
Veronica透露今次攝影展以「叠影空間」為主題，展出14幅作品供認購。她表示：「我一直都有好多相，由2014年開始睇番，然後再去諗主題，做我想做嘅嘢。」提及現場展出的5幅半裸作品，她說：「呢個係我朋友，佢做瑜伽做咗10幾年，用身體去演繹，其實都幾難，本身想佢再裸啲，但每人嘅接受能力都唔同，所以佢就買咗連體吊帶衫，但我要求要肉色。」
笑問Veronica忙於攝影展，會否沒時間與老公造人？她笑說：「造人同日頭做嘅嘢係無關，雖然我有生BB計劃，但我又有好多行山旅行，所以都冇乜時間。」她又說：「家姐就生，所以唔使催我住，爸爸話豬年生係最好，而且又夾我生肖，但係𠵱家都3月，應該趕唔切，慢慢嚟啦！」林建名則大讚細女有創意，但笑言認購要先看價錢。
採訪：黃曉妍
攝影：陳慧安
更多精采時尚內容，盡在 http://add.appledaily.com。